Sot gjatë ditës ka ndërruar jetë këngëtari Shemsi Krasniqi, i njohur si Shemi i grupit Ilirët.

Zëdhënësi i policisë për rajonin e Prishtinës, Enis Pllana për Arbresh.info ka thënë se rreth orës 15:00 e kanë pranuar informatën për një person pa shenja jete në një banesë në rrugën ‘UÇK’ në Prishtinë.

Pllana tha se vdekjen e këngëtarit e ka konstatuar ekipi mjekësor në vendin e ngjarjes.

“Sot rreth orës 15:00 kemi pranuar informatën për një person pa shenja jete në një banesë në rrugën UÇK në Prishtinë. Me të marrë informatën policia ka dalë në vendin e ngjarjes, ku vdekjen e viktimës (mashkull) e ka konstatuar ekipi mjekësor në vendin e ngjarjes. Në koordinim me prokurorin e shtetit po ndërmerren veprimet e nevojshme policore”, tha Pllana./Arbresh.info